Kumhamisha Mwanafunzi wa Shule ya Sekondari

Ili kumuhamisha mwanafunzi wa shule ya Msingi ndani na nje ya wilaya ama mkoa. Mzazi/Mlezi anapaswa kufuata taratibu zifuatazo:

1. Mzazi/Mlezi unapaswa kuomba kwa maandishi nafasi ya uhamisho katika shule unayotaka kumhamishia
2. Mzazi/Mlezi fika shule anayosoma mwanafunzi na jaza fomu za uhamisho pamoja na kuchukua kadi liyosainiwa na mwalimu wa darasa pamoja na mwalimu mkuu ikiwa na maelezo ya maendeleo ya mwanafunzi
3. Mzazi/Mlezi wasilisha picha sita za pasipoti za mwanafunzi katika shule anayosoma
4. Wasilisha fomu ya uhamisho pamoja na kadi ya maelezo ya mwanafunzi kwa Afisa Elimu Kata ili zisainiwe.
5. Wasilisha fomu ya uhamisho pamoja na kadi ya maelezo ya mwanafunzi ofisi ya Afisa Elimu wa Halmashauri kwa ajili ya kupitishwa na kusainiwa.
6. Fomu za uhamisho zilizosainiwa zitapelekwa katika ngazi ya mkoa kupitishwa na kusainiwa na Afisa Elimu Mkoa.
7. Afisa elimu mkoa ataziwasilisha fomu hizo kwa afisa elimu mkoa anaohamia mwanafunzi na taratibu zitafuata kuanzia ngazi ya mkoa mpaka shule.

ZINGATIA: Uhamisho ndani ya Halmashauri, utaishia kwa Afisa Elimu wa Wilaya.