KATEMBA ATANGAZA MATOKEO YA UBUNGE

Imewekwa: October 29th, 2020

Msimamizi wa uchaguzi  jimbo la Mbeya vijijini Ndg Stephen E Katemba  amemtangaza na kumpa cheti cha ushindi mgombea wa Chama cha Mapinduzi  ndg. Oran Manase Njeza kuwa mshindi wa nafasi ya ubunge katika jimbo la Mbeya vijijini.

Mbali na kumtangaza mshindi Katemba ametangaza matokeo ya nafasi ya ubunge katika jimbo la Mbeya vijijini kwa mchaganuo wa mgombea wa chama cha CUF ndg Edson Mwajungwa kuwa amepata kura 194 sawa na  0.2%, Chama cha NCCR ndg Jubeki Mwalugombo aliyepata kura 341 sawa na  0.4%, Philipo Mwanatega wa ACT kura 1,408 ikiwa ni  1.8%, Joseph Mjenga wa chama cha CHADEMA kwa kura 25,139 kwa  31.7% pamoja na mgombea wa chama cha mapinduzi  ndg Oran Manase Njeza wa Chama Cha Mapinduzi aliye ibuka mshindi wa uchaguzi kwa nafasi ya ubunge kwa kura 52,343 kwa 65.9%.

 Aidha Katika jimbo la Mbeya vijijini kulikuwa na wagombea wa nafasi 5 ya nafasi ya ubunge  huku  wapiga kura waliojiandisha wakiwa ni   184,495,  na waliopiga kura ni 81,476 . Kura halali  zilikuwa 79,425 na kura  zilizoharibika zikiwa 2,051.

Na katika nafasi ya udiwani chama cha mapinduzi kimeshinda kata 27 kati ya kata 28  huku CHADEMA ikishinda  kata moja  na vyama vingine kutopata ushindi.