Idara hii ni moja kati ya Idara 13 katika Halmashauri ya Mbeya yenye watumishi 7 Idara hii ni kiungo (Hub) kikubwa kati ya idara zingine katika utekelezaji wa majukukumu ya maendeleo ya wananchi katika Halmashauri.
Idara inaratibu mipango ya maendeleo,inafuatilia na mwisho wa yote inatathimini matokeo ya utekelezaji wa miradi iliyopangwa kwa kipindi cha Mwaka husika wa Fedha.
MAJUKUMU YA IDARA
Kuratibu maandalizi ya mipango ya Halmashauri ,bajeti ,usimamizi na ufuatiliaji .
Kuratibu kiwango cha mafanikio ya Halmashauri , fursa zinazojitokeza na kuzitumia.
Kusambaza taarifa za mbalimbali za kisera , miongozo na maelekezo yanayo kuja kutoka ngazi za juu kwa wakuu wa idara ,wafanyakazi na wasaidizi wengine.
Kutengeneza mpangilio sahihi wa ukusanyaji na kuboresha taarifa za Halmashauri ya Wilaya kutoka katika ngazi za kata na vyanzo vingine kwa kuzichambua ,kutolea ufafanuzi ,kusambaza na kuzihifadhi
Utengenezaji na utoaji wa huduma na tathumini ya utendaji kazi na takwimu za Halmashauri ya Wilaya ya Mbeya
Kuandaa na kuunganisha taarifa za mikakati ya maendeleo ya Halmashauri na usimamizi wa viatarishi vya maendeleo.
Kushirikiana na Ofisi ya Taifa ya Takwimu na wadau wengine wa Takwimu ili kuboresha ukweli na uhalisia .
Kuratibu uibuaji wa miradi ya jamii (CLs) kwa kuzingatia fursa na vikwazo (O and OD) na kuunganisha taarifa.
Kuratibu maandalizi ya mipango ya Idara zote na bajeti kwa kutumia mfumo "Web based planrep" software.
Kuandaa taarifa za utekelezaji wa miradi ya maendeleo kila robo ya mwaka.
Kuanisha na kuonesha fursa , vyanzo vipya vya mapato na uwekezaji .
.Kuandaa taarifa ya kamati ya Bunge ya hesabu za serikali za Mitaa (LAAC)
kuratibu shughuli za kijamii za kujikwamua kiuchumi zinazofanywa na vikundi vya vijana na wanawake.
Kuwaunganisha wadau wa maendeleo (NGO’s na CBO’s) waliopo Halmashauri ya wilaya ya Mbeya pamoja na kufuatilia utendaji kazi na taarifa
Kuandaa taarifa ya utekelezaji wa (ILANI ) ya Chama Cha Mapinduzi (CCM).
Kufanya upembuzi yakinifu wa miradi itakayotekelezwa kwa jamii ,kuanisha na kuendeleza maandiko ya miradi ya halmashauri kuwekeza kwa mstakabali/muktadha wa muendelezo wa mapato na utoaji wa huduma za jamii.
Kufanya tathimini ya athari za kimazingira (kabla ya utekelezaji ,wakati wa utekelezaji na baada ya utekelezaji wa miradi ya maendeleo).
kuandaa taarifa ya utekelezaji wa miradi ya robo mwaka (CDR).
Kuainisha fursa za uwekezaji na kutoa msaada wa kimaendeleo.
kutambua wadau wa maendeleo wanaotoa fedha kwa ajili ya utekelezaji wa miradi.
