WAKULIMA WATAKIWA KUJIHADHARI NA VIWAVIJESHI

Imewekwa: December 16th, 2018

Wakulima wa Kata ya Inyala  Halmashauri ya wilaya ya Mbeya  wametakiwa kujihadhari  na wadudu waharibifu wa mazao aina ya  viwavijeshi kwa kusafisha mashamba  kutokana  na kuwepo kwa viashiria vya  wadudu hao  kwa nyanda za juu kusini.

Wito huo umetolewa na Afisa kilimo mkuu kutoka wizara ya kilimo, Ndg Jubilant Mwangi wakati wa mafunzo  kwa wakulima ya  jinsi ya kujikinga na wadudu hao yaliofanyika kata ya Inyala mkoani Mbeya.

 Mwangi alisema kuwa  Serikali imejipanga  kutoa elimu kwa wadau na wakulima juu ya  kutambua   namna ya kuwathibiti,kusambaza mitego ya kutabiri uwepo wa viwavi jeshi vamizi,pamoja na   kutoa  viwatilifu vya kupambana na wadudu.

Aidha kwa upande wa nyanda za juu kusini jumla ya mitego 100 itasambazwa kwaajili ya kuthibiti na kutabiri uwepo wa viwavi jeshi vamizi.