Idara ya Kilimo Umwagiliaji na Ushirika katika Halmashauri ya Wilaya ya Mbeya inajumla ya watumishi 128 watumishi hao hutoa huduma moja kwa moja kwa wananchi na kuwanufaisha wakulima kufuata mbinu bora za kilimo zinazoendana na mabadiliko ya tabia nchi.
1:1 Ardhi inayotumika kwa kilimo
Halmashauri ya Wilaya ya Mbeya inaukubwa wa hekta 243,200 Kati ya hekta hizo hekta 216,400 sawa na asilimia 88.9. zinafaa kwa kilimo.
2.0 MAZAO YANAYOLIMWA HALMASHAURI YA WILAYA YA MBEYA
Mazao yanayolimwa katika Halmashauri ya Wilaya ya Mbeya yamegawanywa katika makundi mawili; yaani mazao ya biashara na mazao ya chakula.
(a) Mazao ya Biashara
Mazao ya biashara yanayolimwa katika Halmashauri ya Wilaya ya Mbeya ni zao la Pareto pamoja na zao la kahawa.
(b) Mazao ya Chakula
Mazao ya chakula yanayolimwa katika Halmashauri ya Wilaya ya Mbeya ni; mahindi, viazi mvilingo, mazao ya jamii ya mikunde (maharagwe na njegele), pamoja na mazao ya mbogamboga.
3:0 MAJUKUMU YA KAZI ZA IDARA.
Idara ya kilimo, Umwagiliaji na ushirika katika Halmashauri ya Wilaya ya Mbeya inatekeleza majuku yafuatayo:
Kumshauri Mkurugenzi Mtendaji masuala yote yanayohusiana na matumizi ya Kilimo, Umwagiliaji na Ushirika
Kukusanya na kusimamia Takwimu za Kilimo na Ushirika
Kuandaa Bajeti kwa ajili ya uwekezaji wa Mipango ya Sekta ya Kilimo, Umwagiliaji na Ushirika
Kufanya Ufuatiliaji na utabiri wa mavuno
Kufanya tathimini kuhusu kuingiza vizazi vipya vya mazao nchini kwa kushirikiana na taasisi nyingine
Kusimamia Sekta binafsi kuwekeza katika sekta ya kilimo.
Kuanzisha/kuandaa mapendekezo ya Sera ya mazao kwa kushirikiana na Idara ya Mipango
Kutoa mahitaji ya pambejeo Kitaifa
Kusimamia na kuendesha huduma za udhibiti wa visumbufu vya mazao
Kutoa mchango kwa mipango ya baadaye kwa wachumi
Kusimamia shughuli zote za Ugani katika Halmashauri
Kusimamia rasilimali za Sekta ya mazao
Kufuatilia Utendaji wa Sekta ya mazao
Kushiriki katika kuandaa mitaala ya vyuo Mafunzo ya Hifadhi ya udogo na maji
Kuratibu programu za kuhifadhi mazingira
Kuandaa na kusimamia sera za matumizi bora ya rasilimali ya ardhi
Kushirikiana na taasisi za kimataifa katika kuimarisha utendaji kazi za kilimo.
Kusimamia uzalishaji Mbegu
Kutoa ushauri na taaluma katika upembuzi kuhusu teknolojia mpya na sheria kuhusu uzalishaji Mbegu rasmi na sio rasmi
Kusimamia sera ya Umwagiliaji
Kutoa ushauri katika Uendeshaji, Matengenezo na matumizi bora ya maji katika mashamba ya Kilimo cha Umwagiliaji
Kuandaa na kusimamia taratibu /Sheria za Umwagiliaji
Kuainisha maeneo mapya ya Umwagiliaji
Kusaidia kuandaa na kutekeleza kazi zinazohusu mazingira katika Kilimo cha Umwagiliaji
Kusimamia na kuratibu ukaguzi wa vyama vya Ushirika vya msingi vinavyoendesha miradi pamoja (Joint Venture)
Kuhakikisha uanzishaji wa vyama vya Ushirika vya Msingi
Kukusanya na kuchambua Takwimu zinazohusu masoko katika Halmashauri
Kutoa Ushauri juu ya Uendeshaji wa vyama vya Ushirika vya Msingi
Kuratibu/Kushiriki katika Elimu ya Ushirika katika vyama vya Ushirika vya Msingi
Kufanya Uchambuzi wa makisio ya mapato na matumizi vya vyama vya Ushirika vya Msingi na kutoa mapendekezo katika ngazi ya Halmashauri
Kufanya Uchambuzi wa maombi ya kuandilisha chama cha Ushirika na kushauri ipasavyo
Kutoa Taarifa ya Maendeleo ya Ushirika
Kutayarisha Bajeti ya Wilaya hususani matumizi ya idara ya kilimo.
Kuwasilisha Mapendekezo ya uandikishaji na ufuatiliaji wa vyama vya Ushirika vya msingi kwa mujibu wa sheria na kanuni ya Ushirika kwa msajili Msaidizi wa Mkoa.
Kushauri, Kuidhinisha na kutunza Regista ya Dhamana ya mikopo
Kusimamia uandikishaji wa vyama vya Ushirika vya msingi
Kusimamia, Kuendesha/kufanya na kuratibu upimaji utendaji kazi wa Watumishi wote walio katika Idara yako kwa mujibu wa Sera ya Menejimenti na Ajira.
4:0 MAFANIKIO:
Idara ya kilimo na Ushirika imepeta mafanikio yafuatayo:
Kusimamia ujenzi na uboreshaji wa miundo mbinu ya umwagiliaji yenye uwezo wa kumwagilia jumla ya hekta 2450 kati ya hekta 5300 zinazofaa kwa umwagiliaji.
Wakulima kutumia zana bora zakilimo katisha shughuli za uzalishaji mali shambani. Hadi sasa zana bora za kilimo zilizopo ni matrekta makubwa 35 na madogo 24 na matela 34. Pia kuna zana nyingine bora kama ifuatavyo: Wanyama kazi 1955, Plau 578, Ripa 24, Rija 49, Haro 12, Kati veta 24, Planta 19, Subsoiler 24 na Mikokoteni 18.
Kuanzisha mashamba 10 ya maoneshoya kilimo hifadhi.
kuanzisha vituo 8 vya Usindikaji wa mazao kwa ajili ya kuongeza thamani. Kati ya hivyo, vituo 4 ni kwa ajili ya mazao ya nafaka na 4 kwa ajili ya mazao ya bustani.
Kuongezeka kwa Maghala ya kuhifadhia mazao kutoka maghala 5 kutoka mwaka 2006 hadi maghala 18 mwaka 2016.
Kutengenezwa kwa mita 578,678 za makinga maji toka mwaka 2009 hadi mwaka 2015
Kupimwa kwa vijiji 12 katika mpango wa matumizi bora ya ardhi kwa ajili ya matumizi ya kilimo, Malisho ya mifugo, makazi, huduma za kijamii na hifadhi ya misitu.
Uzalishaji wa mbegu bora za viazi mviringo( Meru, Asante,Tengeru na Sherekea) imeongezeka toka kilo 28,000 (2013) hadi kilo 200,800 (2016)
Kuanzishwa kwa vituo 03 vya mafunzo kwa wakulima (WRC) kati ya hivyo 02 vimekamilika .
5:0.FURSA ZILIZOPO:
Ardhi bora inayofaa kwa kilimo cha mazao mbalimbali mfano Mahindi,Maharage, Viazi mviringo /Vitamu,Ngano,Kahawa, Pareto, Alizeti,Ufuta na Mazao ya bustani yote.
Hali ya hewa inayofaa kwa kilimo kwa mwaka mzima wa uzalishaji wa mazao.
Miundo Mbinu ya Umwagiliaji iliyoboreshwa yenye uwezo wa kumwagilia jumla ya hekta 2450.
Wataalamu wa kilimo wa kutosha kuhudumia wakulima kwa kipindi chote cha uzalishaji wa mazao
Miundo Mbinu bora ya usafirishaji toka mashambani hadi kwenye Masoko ya mazao
Maghala ya kuhifadhi mazao ya nafaka na mikunde kwa mwaka mzima wa kilimo.
Upatikanaji rahisi wa Pembejeo za kilimo toka makampuni mbalimbali ya ndani na nje ya nchi.
Masoko ya mazao ya kilimo yanapatikana kwa urahisi toka ndani na nje ya nchi (Malawi, Zambia,DRC-Congo,Burundi na Rwanda).
Upatikanaji rahisi wa nguvu kazi katika Wilaya yenye zaidi ya wakazi 305,319 .
