Economics affairs, Construction and Environment Committee

Halmashauri ya Wilaya ya Mbeya inaongozwa na Baraza la Madiwani ambacho ndicho chombo kikuu cha maamuzi. Kwa mujibu wa Kanuni za Kudumu za Halmashauri ya Wilaya ya Mbeya za Mwaka 2013 kanuni ya 40 (1) Halmashauri kupitia mkutano wa mwaka itateua wajumbe wa kamati mbalimbali za kudumu, ikiwema kamati ya Uchumi, Ujenzi na Mazingira.

Mbali na majukumu mengine, jukumu mahususi la Kamati hii ni kushughulikia masuala ya uzalishaji mali ikiwemo kilimo, mifugo, viwanda, madini, Biashara n.k. Aidha itashughulikia pia miundombinu na suala zima la mendeleo ya Ardhi na hifadhi ya mazingira.

WAJUMBE WA KAMATI YA UCHUMI, UJENZI NA MAZINGIRA

Kama ilivyoelezwa hapo juu kuwa kupitia Mkutano wa Mwaka Baraza la Madiwani linajukumu kubwa ya kufanya uteuzi wa wajumbe wa kamati mbalimbali za kudumu ikiwemo kamati ya Uchumi, Ujenzi na Mazingira. 

Ifuatayo ni orodha ya wajumbe wa kamati ya Uchumi, Ujenzi na Mazingiwa

Orodha ya wajumbe wa kamati ya Uchumi, Ujenzi na Mazingira.pdf

MAJUKUMU YA KAMATI YA FEDHA, UONGOZI NA MIPANGO.

Kamati ya Uchumi, Ujenzi na Mazingira inatekeleza majuku yake kisheria kama yalivyoainishwa kwenye Kanuni za Kudumu za Halmashauri ya Wilaya ya Mbeya za Mwaka 2013. Majukumu hayo ni kama ifuatavyo:

1. kupendekeza kwa Halmashauri mipango ya kupanua biashara na jinsi ya kukusanya mapato yatokanayo na upanuzi huo.
2. kupendekeza mipango ya matumizi ya ardhi katika eneo la Halmashauri
3. kusimamia matumizi ya Sheria ya nguvu kazi.
4. kuandaa mipango madhubuti ya maendeleo ya upanuzi wa kilimo katika Halmashauri
5. kusimamia na kuhakiki miradi ya ujenzi wa masoko, minada,majosho na vituo vya mifugo.
6. kushughulikia uanzishaji na uendelezaji wa vyama vya ushirika kwa mujibu wa Sheria ya Vyama vya Ushirika,