HALMASHAURI ZA WILAYA YA MBEYA NA MBOZI ZAMALIZA MGOGORO WA MPAKA KITONGOJI CHA MTAKUJA.

Posted on: February 20th, 2019

Halmashauri ya wilaya ya Mbeya kwa kushirikiana na wilaya ya Mbozi wamemaliza mgogoro  wa mpaka Uliodumu kwa muda mrefu katika kitongoji cha Mtakuja hasa Uchaguzi na shughuli za kimaendeleo.

Chanzo cha mgogoro huu wa mpaka Uliibuka pale ambapo kitongoji cha Mtakuja kilipoandikishwa katika kijiji cha Mjele wilaya ya mbeya na kutangazwa katika tangazo la serikali GN la mwaka wa Uchaguzi 2014 za serikali za mitaa na Serikali Kuu badala ya kuwa kijiji cha Mtunduru kata ya Magamba wilaya ya mbozi

Afisa Uchaguzi Halmashauri ya wilaya ya mbeya Ndg Peter Lyanga Ameeleza namna walivyo chukua hatua mbalimbali kutatua mgogoro huo ikiwa ni pamoja na kufanya vikao Mbalimbali Ikiwemo cha ofisi ya mkuu wa mkoa wa mbeya,ofisi ya Mkuu wa wilaya ,Katibu tawala, Ofisi ya Mkurugenzi Halmashauri ya wilaya ya Mbeya pamoja  na cha Wataalamu kutoka TAMISEMI.

Aidha Lyanga Alisema kamati baada ya kupitia,kuangalia na Kujiridhisha mipaka ya Halmashauri hizo iliamua kitongoji cha Mtakuja kilichokuwa kimeorodheswa kwa namba 451 kati ya vitongoji 931 vya mbeya kiondolewe kutoka Halmashauri ya wilaya ya Mbeya na kuorodheshwa katika kijiji cha Mtunduru kata ya Magamba wilya ya Mbozi.

Akizungumza kwa niaba ya wananchi Ndg Halipot Shega Amewapongeza Serikali za halmashauri zote mbili kwa kufanikisha kumaliza mgogoro huo wa mpaka  ulio kuwa ukiwatesa kwa muda mrefu “ Sisi kama wananchi hatukatai kuwa  upande wowote ule kwani wote ni watanzania.”