SHULE YA MSINGI MKOMBOZI YAPOKEA MADAWATI 12

Posted on: February 15th, 2021

Chama cha waendesha bodaboda kanda ya kati Mbalizi wamkono meunga juhudi za serika kwa kutoa madawati 12 katika shule ya msingi mkombozi iliyoko halmashauri ya Wilya ya Mbeya.

Akitoa salamau za shukurani mara tu baada ya kupokea madawati hayo naye mwenyekiti wa jumuiya  ya umoja wa  wazazi CCM Mbeya vijijini Mh.Jems Mwampondele amewashukuru waendesha bodadoba hao kwa kutoa kile wanacho kipata na kupeleka kwenye jamii.

“ninawapongeza sana kwa niaba ya jumuiya  ya umoja wa  wazazi natoa shukurani kwa kile mlicho kitoa  naomba na mimi nitoe laki moja katika kuunga mkono  juhudi zenu.” Mwampondele.

Akielezea namna ambavyo waliguswa katika kutoa madawati haya mwenyekiti wa waendesha bodaboda kanda ya kati ndg, Islael Mamba amesema kuwa wameamua kuunga mkono  juhudi za serikali  za kuhakikisha watoto hawakai chini.

“Mbali na kuwa tunafanya kazi katika mazingira magumu yaani jua letu mvua zetu na  wengi wetu tunakipato kidogo  lakini bado tumeguswa na swala hili na kuamua kuchanga na kutoa madawati 12”  kwa wanafunzi wa shule ya msingi  Mkombozi.

Akisoma taarifa ya mwenendo wa  shule naye mwalimu mkuu wa shule ya msingi Mkombozi  ndg. Lusekelo Sangalalla amesema kuwa shule ya Mkombozi ilikuwa na uhaba wa madawati 302 lakini  baaada ya wadau mbalimba kushiriki kwa namna moja au nyingine mkiwemo nyie  yamebaki madawati 80 tu.