WALEZI WA KATA WASAINISHWA MIKATABA

Posted on: January 31st, 2019

Mkurugenzi mtendaji wa Halmashauri ya wilaya ya Mbeya ndg, Stephen E. Katemba amegawa na  kuwasainisha  waleze wa kata na watendaji  wa kata  mikatamba ya  makubaliano ya utekelezaji wa  ugawaji wa vitambulisho vya wafanyabiashara wadogo.

Zoezi la usainishajiwa wa mikataba limefanyika katika ukumbi wa halmashauri kwenye kikao cha mkurugenzi, wakuu wa idara na vitengo pamoja na watendaji wa kata  chenye lengo la kuwafahamisha watumishi hao majukumu yao katika zoezi hilo.

Katemba amesema kuwa kila mtu anatakiwa kujua kuwa anawajibu mkubwa wa kutekeleza agizo la mweshimiwa  rais,hivyo mbali na kuwa na majukumu yao ya kila siku suala la ugawaji wa vitambulisho lipewe kipaumbele.

“ugonjwa utatoka wapi na kipindi hiki cha ugawaji wa vitambulisho kama kuna mtu anashidwa kufanya kazi et kwa kisingizio cha kuumwa atupishe tutafute wengine , kila mtu anaishi na kula anacho tafuta lazima apewe kitambulisho, iwe mkulima, mfugaji, mpiga debe, mbeba mizigo na wengine wote.”Katemba

Halmashauri ya wilaya ya mbeya imepewa jumla ya vitambulisho  5000 kwa awanu ya pili huku kwa awamu ya kwanza ilipewa vitambulisho 900 ambavyo mpaka sasa vyoye vimesha gawiwa  kwa wafanyabiashara wadogo.