WALIMU KUANZA KUPIMWA KWA KUTAZAMA MIFUMO YA UFUNDISHAJI DARASANI

Posted on: January 22nd, 2019

Walimu wa  shule za msingi na sekondari kuanza kupimwa utendaji kazi wao kwa kuzingatia  ongezeko la kiwago cha ufaulu wa wanafunzi wanao wafundisha.

Hayo yamezungumzwa  na  Naibu katibu mkuu ofisi ya Rais Tawala za mikoa na serikali za mitaa(TAMISEMI)anayeshughulikia upande wa elimu.Ndg. Tixon Nzunda wakati wa ziara ya kikazi katika  Halmashauri ya Wilaya ya Mbeya.

Nzunda amesema kuwa kwa  zama hizi kila mwalimu atapanda   cheo kwa kutazama utendaji kazi wake wa kila siku kwa  kuangalia  mifumo ya ufundishaji darasani.

“kila mwalimu ahakikishe anafanya kazi kwa bidii na ubunifu na kuacha tabia ya kufanya kazi kwa mazoea  kwa kuhakikisha anaandaa mifumo ya kufundishia darasani  kama vile andalio la somo, mpango kazi,pamoja na kuhakikisha vipindi vyote vinafundishwa kama vilivyo pangwa kwa muda husika ”. Alisema Nzunda

Ziara ya naibu  katibu mkuu wa TAMISEMI- ELIMU ilikuwa na lengo la kubaini matumizi ya fedha za serikali zinazopelekwa mashuleni kama zinafanya kazi husika  ,ufaulu wa watoto pamoja na jinsi viongozi wa ngazi za mikoa na serikali za mitaa wanavyo simamia majukumu yao kwa upande wa elimu.