WANANCHI SHIRIKINI KATIKA UJENZI WA MIRADI YA MAENDELEO-SODA

Posted on: April 19th, 2021

Kamati ya Fedha, Uongozi na Utawala imewashauri  watalamu wa halmashauri ya wilaya ya Mbeya kuhakikisha inakagua, kutembelea pamoja na kushauri kitaalamu miradi inayotekelezwa  kwa nguvu za wananchi iliiendane na ubora uliopangwa na serikali.

Kamati ilitoa ushauri huo  wakati wa ziara ya kutembelea miradi ya maendeleo iliyotekelezwa katika kipindi cha robo ya tatu.

Mbali na ushauri huo pia kamati imewashauri wananchi  wa maeneo  mbalimbali kuendelea kuchagia katika miradi ya maendeleo pamoja na kuwashirikisha wadau mbalimbali na si  kuiachia serikali peke yake.

“Viongozi mna kazi kubwa ya kuhakikisha wananchi wanashiriki katika katika ujenzi wa miradi ya maendeleo, kwani wenye uhitaji ni sisi hatutegemei kuona nyie mpo nyuma katika kutekeleza miradi hii. Kila mmoja ana wajibu wa kuchagia na  kuona miradi inakamilika kwa wakati na kusimamia matumizi ya fedha zilizotolewa na serikali.”  Makamu mwenyekiti wa halmshauri Mh. Ezekia Soda Shitindi.

Katika ziara ya kutembelea miradi ya maendeleo iliyotekelezwa  kwa kipindi cha  robo  ya tatu  kamati ya fedha, Uongozi na Utawala ilifanikiwa kutembelea miradi mbalimbali ikiwemo shule ya sekondari Juhudi na Songwe  kuona ununuzi wa madawati , kutembelea ukarabati wa bweni na ununuzi wa vitanda katika shule ya sekondari Iwindi, ujenzi vya vyoo katika shule ya Malama sekondari, kutembelea  shule ya msingi Kawetere, zahanati ya Idimi  pamoja na ujenzi wa njia za kuunganisha majengo na kichomea taka katika hospitali ya wilaya.