WANANCHI WA ITETE WATAKIWA KUSHIRIKIANA NA SERIKALI KATIKA UJENZI WA MIRADI YA MAENDELEO

Posted on: January 6th, 2020

Wakazi wa kitongoji cha Itete kilichopo katika kijiji cha Iwanza kata ya Ihango halmashauri ya wilay ya Mbeya wametakiwakushirikiana na serikali katika ujenzi wa miradi ya maendeleo kwa lengo la kuboresha miundombinu iliyoko katika kijiji hicho.

wito huo umetolewa na kaimu mkurugenzi wa halmashauri ya wilaya ya Mbeya Ndg Gidion Mapunda wakati wa ziara ya kutembelea kitongoji hicho kwa lengo la kujua maisha wanayo ishi wananchi hao ilikuweza kubaini changamoto wanazo kumbana nazo.

Mapunda amesema kuwa kila mwananchi ajione  kuwa anajukumu la kuhakikisha ujenzi wa madarasa katika kituo hicho  unakamilika kwa wakati ilikuweza kunusuli hali iliyopo kwa sasa ya wanafunzi kutembea umbali mrefu kufuata shule iliko.

Mbali na hayo mapunda ameutaka uongozi wa kitongoji cha Itete kuhakikisha wanasoma mapato na matumizi ya kitongoji hicho ilikutoa sitofahamu kwa wananchi wanao changia mapato hayo na kuendeleza dhana ya ukweli na uwazi pamoja na kutoa risiti kwa wananchi wote wanao toa michango husika.

 katika ziara hiyo  ya wakuu wa idara na vitengo halmashauri ya wilaya ya Mbeya walifanikiwa kutembelea pia  miradi ya ujenzi wa vyumba vya madarasa katika kituo shikizi cha  Ipinda,Iwanza pamoja na ujenzi wa madarasa katika  shule ya sekondari  ya Utengule Usongwe.

Wananchi wa Itete ni jamii iliyojitenga na jamii nyingine ambayo inaishi umbali wa kilomita tano(5) kushuka chini kutoka kilipo kijiji cha Iwanza. Katika kitongoji hicho kunawanafunzi wanao kadiliwa kuwa ni 280 kuanzia awali mpaka la saba ambao baadhi yao hudumaza masomo wanazipata katika shule ya msingi Mbeya Peak.

Wakuu wa Idara halmashauri ya wilaya ya Mbeya wakiongozwa na Kaimu Mkurugenzi Ndg Gidion Mapumba wakizungumza na wakazi wa kitongoji cha Itete kata ya Ihango .