WATUMISHI WATAKIWA KUACHANA NA USHABIKI WA KISIASA

Posted on: September 11th, 2018

Watumishi wa umma Mkoani Mbeya wameaswa kuacha tabia ya kujihusisha na ushabiki wa kisiasa na badala yake  wanatakiwa  kuwatumikia wananchi na kuishauri  serikali kama mwongozo   wa utumishi wa umma unavyowataka

Kauli hiyo imetolewa na Mkuu wa Mkoa  wa Mbeya Mhe. Albert  Chalamiwa wakati  wa  kikao na watumishi wa umma kutoka taasisi zote zilizopo mkoani humo kilichofanyika Agosti 7,2018 kwenye ukumbi wa mkapa mjini Mbeya.

 “Nawaomba  watumishi  wangu achaneni na mambo ya  siasa kama  unataka siasa chagua moja ,kazi ama siasa,kwani   huwezi kutumikia mabwana wawili, fuateni mwongozo  wa majukumu yenu .”Chalamila.

Mbali na hilo pia  Mkuu wa Mkoa  wa Mbeya  amewataka watumishi  wa umma kuwatumikia  wananchi ipasavyo ili kuondokana na manung’uniko kwakuwa  kumekuwa na malalamiko ya wananchi ya kunyanyaswa katika ofisi za umma na utendaji mbovu wa baadhi ya watumishi.

Taasisi zilizo hudhuria katika kikao hicho ni pamoja na taasisi ya Dawa na Chakula(TFDA),Halmashauri  ya wilaya  ya  Mbeya  na  jiji, Mamlaka ya Mapato,(TRA), Mamlaka ya barabara(TANROAD)  pamoja na  Mamlaka ya Marabara za vijiji na Mjini(TARURA).