Idara ya Mifugo na Uvuvi katika Halmashauri ya Wilaya ya Mbeya inajumla ya watumishi 45; kati ya hao saba (7) ni Maafisa Mifugo, ishirini na tano (25) ni Mafisa Mifugo Wasaidizi, Madaktari wa Mifugo wapo wawili (2), Maafisa Uvuvi wapo wawili (2), na mmoja (1) na nane (8) ni Maafisa Mifugo ngazi ya kijiji.
2:0 IDADAI YA MIFUGO
Halmashauri ya Wilaya ya Mbeya inajumla ya mifugo 475,364 ambao kati yao72,099 ni Ng’ombe, 65,416 ni Mbuzi, 9,388 ni Kondoo, 2,578 ni Punda, 8,990 ni Mbwa, 20,942 ni Nguruwe, 291,894 ni Kuku, 1,640 ni Bata nap aka wapo 2,417.
3:0 ENEO LA MALISHO
Halmashauri ya Wilaya ya Mbeya imetenga maeneo yenye ukubwa wa Hekta 2,575.05 kwa ajili ya malisho ya mifugo katika vijiji vya Mjele na Chang’ombe.
4:0 MAJUKUMU YA KAZI ZA IDARA
Idara ya Mifugo na uvuvi inafanya majukumu mbalimbali chini ya vitengo vyake vikuu viwili ambavyo ni kitengo cha Mifugo na Kitengo cha Uvuvi.
4:1 Majukumu ya Kitengo cha Mifugo
Kutoa elimu kwa wafugaji juu ya kufuata mbinu bora za ufugaji
Kusimamia Sheria, Kanuni na Taratibu mbalimbali za mifugo. Sheria hizo ni kama vile:
Sheria ya Veterinari (Veterinary Act) Na.16 ya mwaka 2003
Sheria ya Magonjwa ya Mifugo (Animal Disease Act) Na. 17 ya mwaka 2003
Sheria ya Chakula, Madawa na Vipodozi Tanzania (The Tanzania Food, Drugs, and Cosmetics Act) ya mwaka 2003
Sheria ya Biashara ya Ngozi (The Hides, Slams and leather Trade) Na. 18 ya mwaka 2008
Sheria ya Ustawi wa Wanyama (The Animal Welfare Act) Na, 19 ya mwaka 2008
Kutoa na kusimamia tiba ya magonjwa ya Mifugo
Kutoa na kusimamia kinga ya magonjwa ya mifugo kama vile chanjo dhidi ya Ugonjwa wa Homa ya Bonde la ufa, Kichaa cha Mbwa, Mdondo, Ugonjwa wa miguu na midomo(FMD) n.k
Kufanya ukaguzi wa nyama
Kusimamia miundombinu ya mifugo kama vile machinjio na majosho
Kusimamia usafirishaji wa mifugo kwa kuangalia afya ya mifugo inayotoka na kuingia Wilayani
Kuendesha shughuli za uboreshaji wa mifugo ya asili.·
4:2 Majukumu ya Kitengo cha Uvuvi
Kutoa elimu na ushauri wa kitaalamu juu ya uzalishaji bora wa samaki kwenye mabwawa
Kusimamia Sheria, Taratibu na Kanuni za ufugaji samaki ili kuhakikisha zinatekelezwa kwa wakati kwa mujibu wa Sheria ya Samaki (Fisheries Act) ya mwaka 2003
Kuhamasisha wananchi kufuga samaki kwa njia ya mabwawa
5:0 MAFANIKIO
Kujengwa kwa machinjio ya kisasa iliyopo kata ya Utengule Usongwe, Machinjio hii ipo katika hatua ya kufunga vifaa, kukamilika kwa machinjio haya itaongeza kwa kiasi kikubwa uzalishaji wa nyama bora itakayouzwa ndani na nje ya nchi.
Kuongezeka kwa uzalishaji wa maziwa toka lita 11,487,960 mwaka 2013 hadi kufikia lita 25,368,965 mwaka 2015
Kujengwa kituo kimoja cha uhimilishaji kilichopo kata ya Tembela.
Kuanzishwa/kufunguliwa kwa Majosho majosho kumi na saba (17) katika kata za Igale, Igoma, Ijombe, Ikukwa, Ilembo, Ilungu, Inyala, Itawa, Iwiji, Iwindi, Mjele, Mshewe, Santilya, Tembela na Ulenje.
Kuongezeka idadi ya wafugaji samaki ambapo mkapa sasa Halmashauri ina jumla ya wafugaji 336.
Kuongezeka kwa mabwawa ya kufugia samaki ambapo mpaka sasa Halmashauri ina jumla ya mabwawa 452. Mabwawa hayo yanapatikana katika kata za; Ilembo, Masoko, Ikukwa, Mshewe, Iwiji, Utengule, Santilya, Isuto, Tembela, Inyala, Itewe, Ihango, Ulenje, Itawa, Ilungu na Bonde la Songwe.
