Kamati ya Elimu, Afya na Maji

Halmashauri ya Wilaya ya Mbeya inaongozwa na Baraza la Madiwani ambacho ndicho chombo kikuu cha maamuzi. Kwa mujibu wa Kanuni za Kudumu za Halmashauri ya Wilaya ya Mbeya za Mwaka 2013 kanuni ya 40 (1) Halmashauri kupitia mkutano wa mwaka itateua wajumbe wa kamati mbalimbali za kudumu, ikiwema kamati ya Elimu, Afya na Maji.

Mbali na majukumu mengine, jukumu mahususi la Kamati hii ni kushughulikia mambo yote yanayohusu afya ya jamii, elimu na huduma za maji,ikiwa ni pamoja na kuangalia jitihada za wanannchi vijijini kujiletea maendeleo yao kwa kutumia mbinu mbalimbali ikiwa ni pamoja na kushauri, kushawishi, kuzindua, kuelimisha na kushirikisha wananchi hao hasa katika kutayarisha, kutekeleza, kusimamia na kutathmini mipango yao ya maendeleo.

WAJUMBE WA KAMATI YA ELIMU, AFYA NA MAJI

Kama ilivyoelezwa hapo juu kuwa kupitia Mkutano wa Mwaka Baraza la Madiwani linajukumu kubwa ya kufanya uteuzi wa wajumbe wa kamati mbalimbali za kudumu ikiwemo kamati ya Elimu, Afya na Maji.

Ifuatayo ni orodha ya wajumbe wa kamati ya Elimu, Afya na Maji kwa mwaka 2017/2018

Orodha ya wajumbe wa kamati ya Elimu, Afya na Maji.pdf

MAJUKUMU YA KAMATI YA FEDHA, UONGOZI NA MIPANGO.

Kamati ya Elimu, Afya na Maji inatekeleza majuku yake kisheria kama yalivyoainishwa kwenye Kanuni za Kudumu za Halmashauri ya Wilaya ya Mbeya za Mwaka 2013. Majukumu hayo ni kama ifuatavyo:

1. kuandaa mipango madhubuti ya maendeleo ya upanuzi na ujenzi wa hospitali, vituo vya afya na zahanati
2.  kuandaa mipago ya maendeleo ya upanuzi na ujenzi wa shule za awali na msingi na elimu ya watu wazima kwa mujibu wa Sheria ya Elimu ya 1978 kama ilivyorekebishwa mwaka 1995.
3. kupendekeza mipango ya ujenzi au upanuzi wa vituo,viwanja, majengo na mazingira ya burudani,   starehe, mapumziko na michezo
4. kuamua juu ya mambo yanayohusu uhifadhi wa mambo ya kale na mandhari mbalimbali zenye sura nzuri.
5.  kuandaa na kuratibu njia bora juu ya uhifadhi wa nyaraka muhimu kwa ajili ya kumbukumbu hizo zitahifadhiwa kwa mujibu wa Sheria ya Serikali za Mitaa Sura ya 287.
6. kupendekeza njia bora juu ya uhifadhi wa sanaa mbalimbali za ufundi na za maonyesho kwa mujibu wa Sheria ya Serikali za Mitaa Sura ya 287,
7. kupendekeza matumizi mazuri ya lugha ya taifa.
8. kupendekeza namna ya malezi ya vijana ili waweze kuwa wazalishaji katika Taifa.
9. kupendekeza namna ya malezi ya vijana ili waweze kuwa wazalishaji katika Taifa.
10. kusimamia uanzishaji wa uendelezaji wa vikundi vya jamii na vya hiari vya wananchi katika Halmashauri kwa mujibu wa sera wa maendelo ya jamii.
11. kusimamia na kuhakiki maeneo ya misitu, mapori, na mbuga zilizotengwa kama hifadhi ya mamlaka ya Serikali za Mitaa.
12. kupendekeza na kufanya tathmini ya uendelezaji wa mabonde, mito na mabwawa.
13. kubuni na kupendekeza namna ya kidhibiti moto
14. kubuni na kupendekeza mikakati ya utumiaji wa nishati mbadala, kuzuia ukataji miti ovyo, na kuhimiza upandaji miti kwa wingi.
15. kuhakikisha kwamba ukaguzi wa majengo unafanyika mara kwa mara.
16. kupendekeza mipango madhubuti ya ujenzi wa barabara vijijini na wilayani kwa ujumla.
17. kupendekeza Sheria Ndogo zinazohusu Kamati hizi.