Sheria

UTANGULIZI

Kitengo cha Sheria kina jumla ya watumishi wawili kati ya watumishi wanne wanaohitajika kwa mujibu wa muundo wa watumishi wa kitengo cha sheria katika Mamlaka ya Serikali za Mitaa. Idadi hii ya Watumishi inaleta upungufu wa watumishi wawili. Hatua zilizochukuliwa na Halmashauri ni kuomba kibali cha kufanya mabadiliko ya cheo kwa watumishi waliusoma sheria toka Idara/Vitengo vingine.

MAJUKUMU YA KITENGO CHA SHERIA

Kitengo cha sheria kinatekeleza shughuli za kiutawala na kiutendaji kama ifuatavyo.

1. Kutoa ushauri kwa menejimenti katika masuala mbalimbali ya kiutawala na kiutendaji kama ilivyohitajika na Mkurugenzi Mtendaji wa Halmashauri.
2. Kushughulikia migogoro mbalimbali inayotokea vijijini. Katika kushughulika na suala hili ambalo wakati mwingine linatishia kutoweka kwa amani katika maeneo husika, Kitengo kinahusika kutatua migogoro mbalimbali kwa kushirikiana na idara mbalimbali kwa kutoa miongozo ya kisheria.
3. Kutoa ushauri wa kisheria kwa wananchi na wafanyakazi wa Halmashauri ya Wilaya ya Mbeya, katika kushughulika na suala hili kitengo cha sheria kinatoa ushauri kwa wananchi na wafanyakazi, ambao wanahitaji ushauri wa namna ya kukabiliana na kesi zao zilizoko makamani zikihusisha masuala ya ardhi, ajira, ndoa na masuala mengine ya kijamii.
4. Kusimamia mashauri (kesi) za Halmashauri zilizopo katika mahakama mbalimbali. Kuunda upya mabaraza ya kata.
5. Kukusanya takwimu za kesi zilizoendeshwa kataka mabaraza ya ardhi ya vijiji na mabaraza ya ardhi ya kata
6. Kusimamia utekelezaji wa Sheria Ndogo za Halmashauri na Vijiji.
7. Kuapisha viongozi wapya wa serikali za mitaa