CHALAMILA AUPONGEZA UONGOZI WA HALMASHAURI

Imewekwa: January 3rd, 2019

Mkuu wa Mkoa wa Mbeya Mh.Albert Chalamila amefurahishwa na juhudi za uongozi wa halmashauri ya wilaya ya Mbeya kwa kuhakikisha inakamilisha ujenzi wa kiwanda cha kuchakata nyama na mazao yake cha Utengule.

Chalamila amesema kuwa kunaumuhimu  wa kukamilisha kiwanda hicho  haraka ilikuweza kunusuru afya za wafanyakazi wa machinjio ya Mbalizi.

‘Tuharakishe haraka pale mahali ni hatari kwa afya ya wafanyakazi kwani  tutapoteza nguvu kazi ya taifa kutokana na magonjwa ya mlipuko ikiwemo kipindupindu hata hivyo  eneo la pale ni dogo, kiwanda hiki   kinafursa za kutosha vijana watapata ajira,kitaongeza   uwekezaji katika eneo letu ikiwemo viwanda vya ngozi na chakula cha mifugo”.Chalamila

Naye mkurugenzi Mtendaji wa halmashauri ya wilaya ya Mbeya Ndg. Stephen E. Katemba amesema kuwa  kama Halmasahuri inampango wa kukamilisha hatua za awali ilikuweza kuhamisha machinjio ya mbalizi na kupeleka utengule kwani mpaka sasa  halmasahuri kwa mapato yake ya ndani imepeleka jumla ya shilingi za kitanzania milioni 168,000,000/= kwa ajili ya ukamilishaji wa awali wa kiwanda hicho.

Akisoma taarifa ya ujenzi wa kiwanda cha kuchakata nyama na mazao yake  naye Afisa mifugo na uvuvi wa Halmsahuri ya wilaya ya  Mbeya Ndg.Titus Mbijili amesema kuwa kiwanda cha kuchakata nyama na mazao yake kikikamilika kinauwezo wa kuchinja ng`ombe 400 na mbuzi  300 kwa siku, soseji za kulisha mkoa mzima, pamoja na kutoa nyama yenye kiwango na ubora.