DC MALISA- WANAWAKE JITOKEZENI KUWANIA NAFASI MBALIMBALI

Imewekwa: March 8th, 2024

Mkuu wa Wilaya ya Mbeya Mhe Beno Malisa amewataka wanawake kujitokeza kuwania nafasi mbalimbali za uongozi katika uchaguzi ujao kuanzia uchaguzi wa Serikali za mitaa unaotarajiwa kufanyika baadaye mwaka huu (2024).

Malisa ameyasema hayo leo katika siku ya wanawake Duniani ilofanyika kiwilaya katika viwanja vya stendi Mbalizi halmashauri ya Wilaya ya Mbeya ambapo alikuwa mgeni rasmi

Pamoja na kuwapongeza wanawake kwa kujitokeza kwa wingi kuadhimisha siku yao amewaasa kuendelea kusimama imara kupigania haki zao na kushiriki kwenye shughuri za kimaendeleo kama kaulimbiu ya mwaka huu inavyoelekeza 

ikionesha umuhimu wa mwanamke katika maendeleo ya jamii na taifa kwa ujumla. .