HALMASHAURI YA WILAYA YA MBEYA YAKOPESHA MILIONI 244,613,000 KWA VIJANA NA WANAWAKE

Imewekwa: February 11th, 2019

Halmashauri ya Wilaya ya Mbeya imetekeleza agizo la serikali la kutenga  asilimia kumi kutoka kwenye mapato yake ya ndani kwa kutoa mikopo ya  kiasi cha shilingi milioni 244,613,000/= kwa vikundi 15 vya wanawake, vijana na walemavu.

Akizungumza katika hafla ya  utoaji wa mikopo hiyo Mkurugenzi mtendaji wa Halmashauri ya Wilaya ya Mbeya Ndg. Stephen E Katemba amesema kuwa kwa awamu hii Halmashauri imetoa vifaa , mashine pamoja na pikipiki badala ya fedha taslimu ilikuwawezesha wananchi  kufikia malengo yao sanjali na kurejesha mikopo kwa wakati.

Akizungumza kwa Niaba ya mkuu wa Mkoa, Mkuu wa  Wilaya ya Mbeya Mh. Williaum Paul Ntinika  ameipongeza Halmashauri kwa juhudi za kutenga asilimia kumi za mapato yake ya ndani kwa kukopesha kiasi hicho kwani ni Halmashauri chache zinazoweza kutekeleza agizo hilo.

Ntinika  amewataka  wale wote walionufaika na mikopo hiyo kuhakikisha wanarejesha  kwa wakati ili  na wengine waweze kunufaika namikopo hiyo.

Katika hafla hiyo jumla ya vikundi 15 vimepewa mkopo huku  8 vikiwa vikundi vya wanawake na  7 Vikundi vya vijana.