Kamati ya ujenzi wa vituo vya afya yawakosha wajumbe wa kamati ya fedha

Imewekwa: August 10th, 2018

Kamati ya Fedha, Uongozi na Mipango ya Halmashauri wa Wilaya ya Mbeya imeridhishwa na ujenzi wa vituo vya afya vinavyo jegwa kwa udhamini wa mfuko wa Serikali.

Pongezi hizo zimetolewa  wakati wa ziara ya kutembelea na kukagua miradi ya maendeleo iliyotekelezwa kwa mwaka wa fedha wa 2017/2018

Baadhi ya miradi iliyotembelewa na kamati hiyo ni pamoja na vituo vya afya vitatu vilivyopewa  kiasi cha shilingi bilioni 1.7 fedha toka  serikali kuu ya Jamhuri ya Muungno wa Tanzania, vituo hivyo ni;  kituo cha Ikukwa kilichopewa  shilingi milioni 800, Ilembo milioni 400  na Santilya milioni 500.

 Aidha kamati imeiagiza  timu ya wataalamu kuhakikisha inabani kazi zilizobaki pamoja na gharama zake na kuiwasilisha halmashauri kwa ajili ya ukamilishaji wa ujenzi wa vituo hivyo.

Mbali na miradi ya ujenzi wa vituo vya afya, miradi mingine iliyokaguliwa na kamati hiyo ni pamoja na; ujenzi wa madarasa mawili katika shule msingi Italazya iliyopewa kiasi cha shilingi 3,020,000/=, ujenzi wa madarasa shule ya sekondari Ilembo iliyopewa  5,000,000/= pamoja na zahanati ya kijiji cha Usoha Muungano ambayo ilipewa  kiasi cha shilingi 5,000,000/=.