MADIWANI WAWEZESHA WASICHANA GALIJEMBE

Imewekwa: July 15th, 2021

Waheshimiwa madiwan  na Mkuu wa wilaya ya Mbeya  wamekabizi rimu na taulo za kike(Pedi) kwa watoto wa kike wa shule ya sekondari ya wasichana Galijembe kwa lengo la kuboresha  mazingira ya kujifunzia.

Akiongea na wazazi na wanafunzi wakati wa kukabidhi vifaa hivyo mkuu wa wilaya ya Mbeya Mhe.DKT. Radhid Chuachua amewataka wazazi na walezi kuhakikisha wanatoa mchango wa chakula cha wanafunzi.

“sitegemei kusikia mzazi  analalamika kuwa  hana chakula ni aibu,chakula kinacholetwa shuleni ni kile ambacho mtoto angetumia akiwa nyumbani akiwa huko usingemshindisha na njaa. kama hutaki unataka wazazi wezako wakusaidie kulea mwanao mimi kama mkuu wa wilaya sitegemei kusikia hilo.” Rashid Chuachua.

Akitoa taarifa ya shule  naye Mkurugenzi mtendaji wa halmashauri ya wilaya ya Mbeya Ndg Stephen E. Katemba amesema kuwa shule  imejegwa kwa nguvu za wananchi, mapato ya ndani ya Halmashauri na serikali kuu,

“shule hii imeanza mchakato wa kujegwa mwaka 2007 kwa  jitiada za wananchi wazawa wa Galijembe  walianza na majengo matatu lengo likiwa ni kuwa na shule maalum eneo huku likiwa limetolewa  na machifu  ujemzi wake ulianza  rasmi mwaka 2018 kwa michango ya  fedha toka serikali kuu,  mapato ya ndani ya halmashauri na nguvu za wananchi mpaka sasa shule inaendeshwa kwa mfumo wa hosteli wazazi wanachangia chakula”Katemba.

Mwenyeti wa halmashauri ya wilaya ya Mbeya Mwalingo kisema amebaini  lengo la kuleta vifaa hivyo kuwa ni  kuboresha  mazingira ya kusomea kama madiwani tuliona tujichangishe na kutoa chochote ilituweze kupata rimu na taulo za kike(PEDI) kwa ajili ya mabinti zetu.

“Mimi niliwahi kutembelea hapa nikakuta watoto wetu wanachangamoto za karatasi za kudurufia  baada ya kupewa mashine ya kunakili nakala na mbunge wetu.” Mwalingo

Waheshimiwa madiwani waliwawezesha watoto hao wa kike box nne za taulo za kike na sita za rimu.