WANANCHI WAPONGEZWA KUSHIRIKI UJENZI WA MIRADI YA MAENDELEO

Imewekwa: November 9th, 2019

Kamati ya fedha, uongozi na mipango inayongozwa na mwenyekiti wa halmashauri ya wilaya ya Mbeya Mhe. Mwalingo Kisemba imewashukuru wananchi wa halmashauri ya wilaya ya Mbeya kwa kushiriki katika ujenzi wa miradi ya maendeleo.

Pongezi hizo zimetolewa wakati wa ziara ya kutembelea na kukagua miradi ya maendeleo inayotekelezwa kwa mwaka wa fedha wa 2019/2020

Miradi iliyotembelewa na kukaguliwa ni pamoja na ujenzi wa shule ya wasichana Galijembe, barabara ya Mwaboho Ikukwa , ujenzi wa hospitali ya wilaya, shule shikizi za Ipinda, Iwanza na Itete pamoja na AMCOS ya Shinzingo.

Hata hivyo kamati  ilitoa pongezi kwa uongozi wa halmashauri ya wilaya ya mbeya kwa usimamizi mzuri wa miradi hiyo inayotekelezwa ndani ya halmashauri.

Aidha kamati imewataka wataalamu kuhakikisha wanakamilisha miradi hiyo kwa wakati ili iweze kutoa huduma na kuleta tija kwa wananchi wa halmashauri.