WATAALAMU WAMETUTENGENEZEA NJIA

Imewekwa: June 7th, 2020

Waheshimiwa madiwani  halmashauri ya wilaya ya Mbeya  wafurahishwa na usimamizi  mzuri wa miradi ya maendeleo iliyotekelezwa na timu ya wataalamu wa halmashauri.

Furaha hiyo imeoneshwa wakati wa ziara ya madiwani  ya kutembelea miradi ya maendeleo iliyotekelezwa katika kipindi cha miaka mitano 2015 hadi 2020.

“ Wataalamu hawa wametusafisha, kwa muda mfupi tu wametekeleza miradi mingi, kwa kweli huko tunakorudi tuna vitu vya kuwaambia wananchi" .Mh. Esther Mbaga diwani wa kata ya Mshewe.

“ Hata kama tukirudi katika maeneo yetu kwa wananchi waliotutuma kuwawakilisha tunacho cha kusema ikiwemo kujivunia ujenzi wa vituo vya afya vya Ilembo, Santilya na Ikukwa, hospitail ya wilaya, Shule ya wasichana Galijembe, soko la tunduma Road, ujenzi wa madarasa na vyoo pamoja na stendi ya Mbalizi” kaimu mwenyekiti wa halmashauri ya wilaya ya Mbeya, Julius Ntokani.

Katika ziara hiyo, madiwani walifanikiwa kutembelea kituo cha afya cha Ikukwa, Ilembo na Santilya  ujenzi wa stendi ya Mbalizi pamoja na  soko la Tunduma Road.