WATENDAJI ACHENI TABIA YA KUWEKA FEDHA ZA SERIKALI MIFUKONI MWENU-KATEMBA

Imewekwa: October 24th, 2018

Watendaji wa kata na vijiji wa Halmashauhri ya wilaya ya Mbeya wameonywa kuacha tabia ya ubadhirifu wa fedha za mapato zinazokusanywa kwenye maeneo yao.

Onyo hilo limetolewa na Mkurugenzi Mtendaji wa Halmashauri ya Wilaya ya Mbeya Ndug, Stephen E. Katemba wakati wa kikao kazi na watendaji hao chenye lengo la kuonyesha  mikakati na mwelekeo wa Halmashauri kwa sasa. 

Katemba amesema kuwa kama watendaji  wanatakiwa kuhakikisha wanasimamia vizuri  makusanyo ya mapato na kuacha tabia ya kuona hela hizo ni zao, na kwa wale ambao waliweka fedha  kwenye mifuko yao wajiandae kurudisha mara moja kabla ya mkono wa serikali haujaaza kufanya kazi yake.

 “ Joto nililonalo kwa sasa si la  kawaida najiuliza kwanini ukae na hela ya serikali mtu anamilioni tano, mbili au tatu  jumla ya  hela mlizo nazo ni zaidi ya milioni mia mbili sitaweza kuvumilia hili.”Katemba                    

Pia  mkurugenzi amewataka watendaji hao kuvibaini vyanzo vya mapato vilivyopo  kwenye kata zao kwani huko ndo yanakotoka mapato ikiwemo ushuru wa burudani na michezo,vibali  vya  ujenzi pamoja na kutambua maeneo ya madini.

Aidha  amemtaka afisa utumishi  kuhakikisha anasimamia zoezi la  kusainiana  mikataba ya kazi na watendaji ilikuweza kuwabana wale wote ambao hawatatekeleza majukumu yao kikamilifu.