WATUMISHI WA ARDHI PIMENI ENEO LA HOSPITALI –NTINIKA

Imewekwa: November 14th, 2018

Mkuu wa Wilaya ya Mbeya Mh.William Paul Ntinika amewataka wataalamu wa Halmashauri ya wilaya ya Mbeya kuhakikisha wanakamilisha mapema taratibu za awali  za ujenzi wa hospital ya wilaya ikiwa ni pamoja na upimaji wa eneo hilo.

Ntinika ameyasema hayo wakati wa ziara ya kutembelea na kuona  eneo litakalo jegwa hospital ya wilaya lililopo  kata ya Inyala.

Pamoja na  hayo mkuu wa wilaya amewataka wataalamu kutokukaa ofisini na badala yake wahamie eneo la ujenzi  kuhakikisha wanakamilisha michoro pamoja na hatimiliki ya eneo hilo.

“Na mimi narudisha Ofisi hapa kwa sababu  ndio hospitali ya kwanza ya wilaya tangu tumepata uhuru, Kero zote sasa hivi nitakuwa nasikiliza hapa   Inyala.” Ntinika

Hatua za ujenzi wa  hospital ya wilaya umeaza mara tu baada ya kupokea  kiasi cha shilingi milioni mia tano(500,000,000/=) kutoka serikali kuu ya mpago wa kuboresha huduma ya mama  na mtoto.